En portadaÚltima hora

Prealerta por seca na conca Miño-Sil

A Confederación Hidrográfica do Miño-Sil tomaba esta decisió o 13 de xaneiro ante o escaso caudal circulante dos ríos e o baixo nivel dos encoros da demarcación

 

Aspecto actual do encoro das Portas, en Vilariño de Conso./ Foto: Carlos G. Hervella.

As imaxes dos ríos e dos encoros falan por si soas. A falta de precipitacións nos últimos meses na conca do Miño-Sil deu lugar a que os caudais de regatos e ríos sexan moi inferiores aos que se consideran normais para esta época do ano. Ante esta situación a Confederación Hidrográfica do Miño-Sil (CHMS) vén de activar o 13 de xaneiro o nivel de prealerta por seca e de convocar á Oficina Técnica da Seca.

“Aínda que as reservas acumuladas non poñen en risco o abastecemento a poboacións, si é necesario instar ás distintas institucións e á poboación en xeral do uso responsable do recurso”, tal e como se indica dende este organismo de conca.

O seu presidente, Francisco Marín, a proposta do xefe da oficina de Planificación Hidrolóxica (OPH), dictou a resolución mediante a que se ten decretado a prealerta por seca e constituíuse a Oficina Técnica da Seca da parte española da demarcación Miño-Sil, “atendendo ao Plan Especial de Actuacións en Situacións de Alerta e Eventual Seca, o cal prevé que, unha vez superados os umbrais de prealerta nos indicadores, o seguemento deste fenómeno extremo debe ser continuo”.

 

Outra vista deste encoro ourensán./ Foto: Carlos G. Hervella.

Este plan inclúe asemade unha serie de medidas adaptadas aos diferentes umbrais da seca e que deben ser comunicadas, á maior brevidade, ás delegacións e subdelegacións do Goberno, comunidades autónomas, deputacións, mancomunidades, municipios e a todos os concellos da conca Miño-Sil.

As medidas propostas son, entre outras, “o aforro de suministro en usos e destinos non prioritarios (rego de xardíns, baldeo de rúas), redución de presión nocturna en redes urbanas e reforzo dos controis de auga captada para o abastecemento que, debido ao escaso caudal, podería afectar á calidade”, segundo a confederación.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close