En numerosas ocasións se subían os atletas do Club Adas ao podio na IX Carreira Popular dos Santiños do Barco. Ademais da contundente vitoria de Hugo Sánchez, o club valdeorrés copaba os tres primeiros postos da absoluta feminina. Así vencía Barca Toba, seguida de Iria Fernández e da xuvenil Marta Ballesteros.
En promesa masculina facíase co triunfo Alfonso Soto (Ourense Atletismo), seguido de Raúl Rodríguez (Adas) e do veigués Damián Anta (Adas). Na categoría feminina ganaba Noe Pérez (Ourense Atletismo), en tanto que Ilenia Blanco (Adas) era segunda e Verónica Valcarce (Albares de la Ribera), terceira.
En veteráns A o mellor resultado conseguíao Francisco Javier Espiña (Ourense Atletismo), seguido de Miguel Anxo Nogueira (Noitebra) e do valdeorrés Marco P. Rodrígues (Adas). No caso das veteranas A o primeiro posto colleitábao Mónica Novoa (Veteranos Ourense), o segundo Ángeles Rodríguez (Burgas Atletismo) e Maribel García (Adas).
Había asemade podios do Adas en veteranos B cos terceiros lugares de Adolfo García e Margó Macía, así como en veteranos D con José Barreiro e Francisco Bao, segundo e terceiro, respectivamente. E na categoría xuvenil-junior feminino Marta Ballesteros e Noemí Fernández quedaban primeira e segunda.
Esta novena edición da Carreira dos Santiños ten sido organizada polo Club Adas coa colaboración do Concello do Barco e da Delegación Valdeorresa de Atletismo. O acto de entrega de premios contaba coa presenza do concelleiro de Deportes barquense Aurentino Alonso.
Fotos: Ángeles Rodríguez.
Máis información e fotos:
https://osil.info/o-valdeorres-hugo-sanchez-domina-nos-santinos/
https://osil.info/os-santinos-tamen-cita-para-os-atletas-mais-novos/