PolíticaÚltima hora

Preguntan no Congreso polo peche do servizo de venda de billetes de tren no Barco

En Marea pide a Fomento que non este servizo de atención ao viaxeiro na estación barquense, así como nas da Rúa, O Carballiño, Ribadavia, entre outras galegas
A deputada de En Marea no Congreso, Alexandra Fernández.

A deputada de En Marea, Alexandra Fernández, vén de presentar no Congreso unha iniciativa parlamentaria na que solicita a Fomento que dea marcha atrás na intención de pechar o servizo de venda de billetes e atención ao viaxeiro en estacións de tren galegas.

Nesta iniciativa, Fernández faise eco da denuncia de sindicatos ferroviarios da intención de Renfe-Viaxeiros e Adif de proceder ao peche do servizo de venda de billetes e atención ao viaxeiro en sete estacións galegas, a maior parte na provincia de Ourense: O Carballiño, O Barco, A Rúa e Ribadavia.

“Explican que Adif estaría aberto a negociar con Renfe como traspasar a venda de billetes nas estacións de todo o estado que agora fai personal de Adif para que a partir de 2017, sexan xestionados por Renfe. Pero o problema está en que nin Renfe nin Adif están a ter en conta que hai estacións nas que ese traballo o realiza personal de Circulación. É decir, nalgunhas estacións compatibilízanse os traballos de venda e os de atención cos de xestión das circulacións ferroviarias, como sucede en Guillarei, Redondela, O Carballiño, Sarria, O Barco, A Rúa e Ribadavia”, afirma Alexandra Fernández, que engade que se trata de apeadeiros onde os traballadores adscritos a esta estación fan labores de xestión de tráfico ferroviario e venda de billetes.

Aseamade a deputada de En Marea pon de manifesto que son estacións onde se produce un significativo tránsito de viaxeiros. “Nuns casos aténdese á poboación de comarcas ourensás como Valdeorras, Carballiño”. E alerta de que “o peche destes servizos en sete estacións galegas terá consecuencias directas sobre os usuarios de tren que verán mermada a calidade do servizo. Son ao fin e ao cabo, recortes ferroviarios”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close