O Liceo de Ourense acollerá o vindeiro martes 9 de decembro ás 20h, a presentación do libro “Ramón Otero Pedrayo. Unha fotobiografía (1888-1976)”, editado pola Fundación Ramón Otero Pedrayo, que contará coa presenza dos autores Patricia Chachero e Afonso Monxardín; de Xavier Casares, Manuel Baltar (presidente da Deputación), Xesús Vázquez (Conselleiro de Cultura), e Víctor F. Freixanes (presidente da Fundación Otero Pedrayo).
Ao longo das páxinas desta publicación, os lectores terán oportunidade de viaxar por un tempo histórico “a memoria das cousas, ilustrado con documentos gráficos que contextualizan a biografía do Patriarca. Despois del, ninguén con tanta xustificación e tanta unanimidade recibiu semellante tratamento” tal como explican dende a editorial galaxia.
