“Onde beben os cervos que amansou o calígrafo” é o título dunha mostra dos creadores Baldo Ramos e Carlos González Villar que se pode visitar ata finais de abril no Centro Cultural da Deputación de Ourense.
Na tarde do 19 de abril estes artistas presentaban na Casa dos Poetas o catálogo desta exposición, coeditado pola Deputación Provincial de Ourense, o Concello de Celanova e a Fundación Curros Enríquez. Despois do verán esta mesma mostra poderá visitarse na Casa dos Poetas de Celanova.
Fotos: cedidas pola Fundación Curros Enríquez
