ConcellosÚltima hora

Preséntase en Madrid o libro “Cancioneiro da seitura de Manzaneda e Terras de Trives”

Este acto está previsto para o xoves 19 de decembro na Casa de Galicia

Presentación do libro o pasado verán en Manzaneda./ Foto: Carlos G. Hervella.

 

A comarca das Terras de Trives era en tempo unha zona de moita seitura. Un traballo duro, de moitas horas e baixo o sol do verán. Ligado a esta tarefa agrícola nacía un tipo de cantar, o de seitura, transmito de xeración en xeración. Esa tradición musical de séculos vén de ser recollida agora por Xosé Luis Foxo no libro “Cancioneiro da seitura de Manzaneda e Terras de Trives”.

Esta obra será presentada mañá xoves 19 de decembro na Casa da Galicia en Madrid, nun acto que será presentado polo gaiteiro Fernando Molpeceres, e no que se contará con Xosé Lois Foxo, director da Real Banda de Gaitas da Deputación de Ourense; ademais de con Amable Fernández, alcalde de Manzaneda; Patricia Domínguez, alcaldesa de Trives; e Xosé Miguel Pérez, alcalde de San Xoán de Río. No decurso da presentación tamén intervirán cantareiras das Terras de Trives que interpretarán algunhas pezas da publicación e actuará a Banda de Gaitas Lume de Viqueira.

O “Cancioneiro da seitura de Manzaneda e Terras de Trives” recompila 320 cantares de seitura, romances, de berce, de cego, de reis e doutros xéneros todos nacidos nesa terra rica en cánticos e que Xosé Lois Foxo percorreu durante 35 anos. Un acervo do cancioneiro tradicional que inspirou a Rosalía de Castro e aos autores do Rexurdimento.

Os cantos de seitura das Terras de Trives traen ao presente vivencias e emocións de séculos que, apenas estaban recollidas por escrito, e que agora a través deste cancioneiro quedarán para o presente e o futuro coas súas letras e a súa música.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close