O patio da Casa Grande de Trives era o lugar elixido para un acto moi especial e íntimo que tiña lugar esta fin de semana. Alí, rodeado de veciños e amigos, Maikel Núñez presentaba o seu primeiro libro, publicado hai apenas uns meses.
Aínda que naceu e reside en Barcelona, as orixes e a segunda residencia de Maikel (Terrasa, 1982) están na Pobra de Trives, en pleno Macizo Central Ourensán, e dos veráns da súa infancia garda recordos que o marcaron de por vida.
Desas lembranzas e historias de antepasados que viven entre os rueiros da aldea, e que seguen vivindo na memoria dos veciños, nace Una oscura sombra del pasado (Autografía, 2021), a primeira novela deste catalán con ascendencia familiar ourensá, que ten na Pobra de Trives o seu retiro espiritual e o lugar onde cada ano cargo as pilas e descansa do día a día. Por iso non é de extrañar que quixese presentar o libro nesta terra que lle valeu de inspiración.
Así, na tarde deste sábado 21 de agosto unhas 25 persoas asistían ao acto presentado pola concelleira de Cultura de Trives, Cristina Paz, no que o propio autor respondía ás preguntas dos asistentes, pousaba para as fotografías e asinaba os exemplares que se ían vendendo ata esgotar existencias.
Fotos cedidas.
