CulturaCulturaÚltima hora

Preséntase en Vilanova o libro “Ultreya et Suseya, por el Camino de Invierno”

Esta presentación enmárcase dentro da Semana Cultural, organizada pola Asociación Mosteiro de Vilanova

Nesta tarde de 5 de agosto presentábase no Centro Sociocomunitario de Vilanova a novela “Ultreya et Suseya, por el Camino de Invierno”. Os encargados deste acto eran dous dos seus autores, Antonio Castro Voces e David Vázquez Álvarez, xa que faltaba Patricia Fernández.

Así, esta actividade, enmarcada na  XXVI Semana Cultural organizada pola Asociación Mosteiro de Vilanova, comezaba ás 20:30 horas coa presentación da Xunta Directiva. Agradecían o apoio dos veciños, da Deputación de Ourense, do Concello do Barco, e do presidente do Instituto de Estudos Valdeorreses, Aurelio Blanco Trincado.

 

Os autores durante a presentación.

 

Pola súa banda, Antonio Castro Voces comezaba a súa intervención agradecendo a invitación da Xunta Directiva da asociación. “Levo sete anos asistindo a esta semana, é un privilexio que a asociación leve existindo 26 anos”, afirmaba. Ultreya e Suseya, era o saúdo dos peregrinos cando se encontraban, explicaba, “nós non queríamos facer un libro normal, senón que queríamos enlazar a realidade e a ficción para facerlo máis atractivo”.

A presentación desta novela, que conta a historia de amor de Breixo e Fronilde no marco do Camiño de Inverno a Santiago e da misteriosa desaparición do Codex Bergidensis Iorrensis, continuaba cunha proxección que recreaba precisamente o percorrido visual e sensorial por esta ruta xacobea que atravesa a comarca de Valdeorras.

David Vázquez proseguía explicandolle aos asistentes a temática do libro, para rematar fóra do Centro Sociocomunitario de Vilanova, cunha pinchada para todos os asistentes.

Texto: Alba Prada

Fotos: Carlos G. Hervella

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close