Preséntase o cartel da XXII edición do Filandón de Músicas do Courel

A actividade terá lugar o vindeiro domingo 4 de agosto, na Ferrería de Seoane

O cartel de actividades da XXII edición do Filandón de Músicas do Courel foi presentado hoxe, 31 de agosto, polo dirixente da asocación promotora do evento, Xosé Lois Foxo, e polo delegado territorial da Xunta en Lugo, José Manuel Balseiro. Aínda que foi presentada en Lugo, esta actividade terá lugar o vindeiro domingo 4 de agosto na Ferrería de Seoane.

 

Na presentación en Lugo.

 

Entre as principais novidades desta edición está o peche musical a cargo da cantante lucense Lucía Pérez e o nomeamento como primeira raíña do Filandón á colaboradora Maria Balboa Santín, que cada ano se achega desde Quintela d´Oencia, así como a homenaxe á cantareira, Rosario García, recentemente falecida.

Así, a partires das 17:30 horas do domingo, actuarán un centenar de artistas populares: cantores, brindeiros, coplas de cego, poetas, gaiteiros, chegados desde todos os puntos da xeografía galega e incluso doutras comunidades autónomas, como é o caso da agrupación A Cova da Serpe que vén desde Barcelona.

Esta décimo segunda edición do Filandón complementarase con outras actividades, como son a presentación do disco Romances Novos e Vellos de Marco Foxo e do Cancioneiro da Seitura de Manzaneda de Terras de Trives. Ademais, en paralelo cos actos da festa, celebrarase misa, un xantar tradicional baseado principalmente no freixó, e diversas exposicións bibliográficas, discográficas e de instrumentos tradicionais.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies