En portadaGalerías de fotosÚltima hora

Preséntase o Ecobarrio de Ourense, o primeiro de Galicia

Esta iniciativa, cun investimento de 20 millóns de euros, prevé mellorar a eficiencia enerxética un 20%, que o 20% da enerxía consumida proveña de fontes renovables e reducir as emisións de gases de efecto invernadoiro un 30%

O ecobarrio da Ponte, en Ourense, converterá a Galicia e a Ourense nun exemplo de transformación urbana sustentable que reproduce a pequena escala, a nivel de barrio, o que van ser as cidades europeas do futuro. Así o destacaba o presidente da Xunta de Galicia, Alberto Núñez Feijóo, na presentación deste proxecto, celebrada en Ourense na mañá do 19 de marzo.

Durante este acto, no que tamén participou o comisario de Acción polo Clima e Enerxía da Comisión Europea, Miguel Arias Cañete; o presidente da Deputación, Manuel Baltar, e o alcalde ourensán, Xesús Vázquez, Feijóo sinalou que con este proxecto Ourense transfórmase nunha cidade pioneira na loita contra o cambio climático, na redución de consumo enerxético e no aproveitamento dos recursos naturais enerxéticos. Ademais de poñerse novamente de manifesto o potencial da autonomía no ámbito das enerxías renovables.

Sobre este punto, precisou que coa posta en marcha do primeiro ecobarrio na Comunidade, Galicia pasará a ser un referente en xeotermia. Non en van, un dos principais obxectivos será establecer na zona a primeira rede de xeotermia de Europa, aproveitando esta fonte de enerxía para abastecer de calefacción e auga quente a medio centenar de edificios do contorno.

Cun investimento de 20 millóns de euros e a creación de 300 postos de traballo, o titular da Xunta lembrou ademais que esta iniciativa prevé mellorar a eficiencia enerxética un 20%, que o 20% da enerxía consumida proveña de fontes renovables e reducir as emisións de gases de efecto invernadoiro un 30%.

Así mesmo, o proxecto recolle tamén a posta a punto de fachadas e envolventes térmicas en colexios, institutos e outros inmobles como a futura estación intermodal; a substitución da iluminación actual por tecnoloxía led, tanto nos edificios como nas rúas; o fomento da mobilidade sustentable; e a posta en marcha da Oficina do ecobarrio, para informar á comunidade de veciños e ás asociacións sobre as axudas e actuacións en materia de eficiencia enerxética.

“Que Ourense se convirta en referente internacional, en todo o mundo, no que ao aproveitamento de enerxías renovables é, por si mesmo, unha das noticias máis importantes que recibe esta cidade nas últimas décadas. É por iso, hoxe é un día de orgullo e no que quero facer partícipe a toda a cidadanía”, aseguraba o alcalde, Xesús Vázquez., “que mediante este proxecto se mellore a calidade de vida dos veciños e veciñas do barrio da Ponte e o seu acceso á enerxía é, sen dúbida, un motivo máis que xustificado para sentirnos orgullosos de ter acadado algo tan innovador, pioneiro e revolucionario”.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close