A Mostra Internacional de Teatro Universitario (MITEU) xa ten programa. Terá lugar entre os días 2 e 15 de xullo entre o Teatro Principal e a praza da nova biblioteca. As entradas estarán á venda dende o primeiro día na billeteira do Teatro Principal, xa que haberá aforo.
Así, esta mostra comezará cos espectáculos “Electra nun enxame de moscas”, “Un paraguas japonés”, “Os mellores monólogos” e “Summer evening”, os días 2, 3, 4 e 5 de xullo, respectivamente, no Teatro Principal.
A praza da nova biblioteca acollerá os días 6 e 7, respectivamente, os espectáculos “La coquette” e “Etxea”. Mentres que os días 8, 9, 10 e 11, o emprazamento de “Bacanal”, “Encontro de danza doutras, “África en el corazón (El percusionista)” e “Pobre Janucá de fiesta y luz”, será o Teatro Principal.
Os catro últimos días tamén se desenvolverán no escenario do Teatro Principal, e os espectáculos serán “Mati e os superpoderes”, “Morder-te o coraçao”, “Imperator” e “Quince minutos”.