CulturaCulturaÚltima hora

Preséntase un libro sobre a arqueoloxía da moenda no Museo Etnolóxico de Ribadavia

Trátase da obra de Lois Ladra "Arqueologia da indústria moageira em Castelo Branco. Moinhos hidráulicos no rio Ocreza". O acto terá lugar mañá ás 20:30h.

 

O estudoso do patrimonio cultural galaico-portugués Lois Ladra presentará o vindeiro venres 20 de setembro ás 20:30 h no Museo Etnolóxico de Ribadavia o seu libro “Arqueologia da indústria moageira em Castelo Branco. Moinhos hidráulicos no rio Ocreza” (Lema d’Origem).

Neste volume este arqueológo e antropólogo coruñés reúne os resultados do proxecto de estudo e catalogación de case que media centena de muiños de auga implantados nas ribeiras do rio Ocreza, afluente do grande Texo, ao seu paso polo concello de Castelo Branco (Portugal). A construción dun encoro hidroeléctrico prevía o asulagamento destes enxeños tradicionais, que foron sometidos a un estudo de impacto ambiental orientado desde a perspectiva da Arqueoloxía da Industria.

Lois Ladra centra especialmente o seu labor nas temáticas relacionadas coa Protohistoria e a Tecnoloxía tradicional. É autor de media ducia de libros e de varias decenas de artigos en revistas especializadas e de divulgación. Foi galardoado cos premios de investigación “Vicente Risco”, “Ferro Couselo”, “Cátedra”, “Raigame” e “Fermín Bouza-Brey”. Este investigador desenvolve a súa actividade profesional como traballador autónomo en diversos proxectos a nivel nacional e internacional.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close