En portadaÚltima hora

Presenza ourensá entre as 176 producións que compiten polos Mestre Mateo

A partir desta publicación inicial da Academia Galega do Audiovisual comeza a primeira rolda de votacións

A  Academia Galega do Audiovisual (AGA) vén de facer pública a listaxe de participantes na XV edición dos Premios Mestre Mateo. Dela forman parte un total de 176 obras, 171 produtoras e 498 profesionais que poden ser votados polos membros da Academia, o que supón un incremento en relación as edicións anteriores dos premios.

 

O director petinés Ignacio Vilar, na presentación de “Sicixia” na Rúa./ Foto: Mónica G. Bellver.

 

Das 176 obras estreadas en 2016, 5 son longametraxes, 25 documentais, 10 series de televisión, 9 series web, 32 programas de televisión, 31 curtametraxes de imaxe real, 8 curtas de animación, 20 anuncios publicitarios e 36 videoclips.

 

Dous dos integrantes do grupo valdeorrés Placeres Solitarios, durante a gravación do videoclip.

Entre elas non faltan as ligadas  á provincia de Ourense e á comarca de Valdeorras, como é o caso de “Sicixia”, do director petinés Ignacio Vilar,  do videoclip do tema “Vicio oculto” do grupo valdeorrés Placeres Solitarios, ou do videoclip “Cedeira” de Guadi Galego e dirixido por Xacio Baño, vencellado familiarmente ao Barco.

 

O director Xacio Baño.

 

Entre os traballos ourensáns figura tamén “Pelerinaxes”, do director italo-galego Simone Saibene, unh longametraxe que recrea a viaxe que en 1927 realizaban Otero Pedrayo, Vicente Risco e Ben-Cho-Shey, entre Ourense e Santo André de Teixido.

 

O director Simone Saibene, durante a rodaxe de “Pelerinaxes”./ Foto: Iván Fernández Babarro e Iago González González.

 

A partir desta publicación comeza a primeira rolda de votacións dos premios. Segundo se informa dende a Academia Galega do Audiovisual, “os académicos e académicas deben emitir os seus puntos nas vinte cinco categorías a través da plataforma de visionado e votación en liña, e así elixir aos catro finalistas que se anunciarán o vindeiro mes de febreiro e que optarán levar un Mestre Mateo”.

O listado definitivo de candidaturas pode consultarse no seguinte enlace:
https://www.academiagalegadoaudiovisual.gal/176-obras-buscan-un-mestre-mateo/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close