Publicidade
ConcellosGalerías de fotosÚltima hora

Preto de 300 persoas na VIII Ruta Jabalíes-Memorial Rosiña, na Rúa

A maioría, en torno aos 190, participaban nas probas de BTT, o resto na andaina

De Ponferrada, de Bembibre, de Monforte, de Ourense e por suposto, de Valdeorras. Son algúns dos lugares de procedencia das preto de 300 persoas que na mañá do 7 de xullo participaban na VIII Ruta Jabalíes-Memorial Rosiña, celebrada no municipio da Rúa.

Tal como estaba previsto, ás nove da mañá saían dende o Aguillón (na zona do pavillón de deportes) os participantes nalgunha das rutas de bicicleta de montaña previstas pola organización (unha longa de 55 km de percorrido con cortes a metade de camiño e outra curta de 27), e de seguido arrancaban os andarines que tiñan por diante un percorrido de 12 km que discorría pola primeira parte da ruta longa.

 

Un dos participantes na ruta BBT dos Jabalíes.

 

A partires de aí, algúns xuntos e outros de forman individual, percorrían boa parte do municipio, especialmente os participantes na ruta longa que ademais de atravesar o núcleo pola beira do río, pasaron por Vilela, Somoza e San Julián, chegando incluso ata Cereixido, Feais e Roblido. Un duro pero fermoso percorrido que o propio club se encargou de preparar, limpando e abrindo sendeiros como só eles saben facer. A ruta incluíu catro avituallamentos (tres na ruta longa con todo tipo de alimentos e bebidas, incluíndo as tradicionais frebas á grella; e 1 na curta), contando coa inestimable colaboración de Protección Civil (da Rúa e doutros concellos como Manzaneda).

Xa de regreso ao pavillón, os Jabalíes Valdeorras rendían homenaxe a Rosa Mari Diéguez “Rosiña”, ex membro do club que falecía hai case un ano nun accidente de tráfico en Chile. “Entregámoslle un detalle á familia e seguramente a partires desta edición a ruta levará o nome de Rosiña”, explica o presidente do club Santiago Pimentel. No decurso do xantar, elaborado e servido por Mantesil no pavillón, tamén entregaron unha placa aos clubs Bembibre BTT e Castelo Bike de Monforte “pola súa colaboración coa nosa ruta, incentivando aos seus socios para que participaran”, puntualiza Pimentel.

Máis fotos na seguinte ligazón: https://www.osil.info/boa-acollida-da-andaina-na-ruta-organizada-polo-club-jabalies-valdeorras/

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close