ConcellosEn Portada EntroidoGalerías de fotosÚltima hora

Preto de 900 persoas desfilan polo centro do Barco o Martes de Entroido

En total, este ano participaron no desfile 28 comparsas, 3 folións e dúas charangas

 

Esta foi sen dúbida unha das edicións máis numerosas do desfile de Entroido no Barco de Valdeorras, con preto de 900 persoas de 27 comparsas, 4 folións e 2 charangas que na tarde do 25 de febreiro percorrían a travesía central da vila rumbo á praza Maior.

O desfile comezaba pasadas as cinco e media da tarde diante do hospital encabezado polo Folión de Buxán. Outro folión, Os Viticulotores de Vilamartín eran os encargados de pechar a comitiva e entre medias, Os Arrieiros e o Folión de Petín ademais das charangas Os Caliqueños e Os Imparables, que poñían son e ritmo ás comparsas chegadas dende diferentes puntos da comarca (do Barco, da Rúa, de Rubiá, de Vilamartín) e mesmo de San Clodio e Quiroga, grupos de asociacións culturais, de amas de casa e centros educativos.

 

 

Con respecto aos disfraces, coma sempre foron do máis variopinto. Dende un barco de piratas e outro do amor, ata Monigotes, pasando polas Raíñas do Entroido, personaxes de banda deseñada, cociñeiros, flores, comecocos, película animadas e un longo etcétera.

O Entroido no Barco rematará mañá Mércores de Cinza co “enterro da sarbiña” a partir das 20:30h. na praza Maior.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close