EntroidoOurenseÚltima hora

Primeiro os farelos e agora as olas, nas Eiroás

Este barrio ourensán xa está mergullado dende o 1 de febreiro no Entroido

pita

 

Coa recepción do Meco por parte das autoridades do barrio arrancaba o 1 de febreiro de forma “oficial” o Entroido nas Eiroás. Malia que o tempo non acompañaba, a charanga Os Caliqueños e os farelos animaban a xornada. A seguinte cita será o Domingo Oleiro, día 8 de febreiro.

Desta volta as olas que se escachen na praza “van ser decoradas en boa medida polas rapazas e os rapaces do CPR Divino Maestro. Mañá xoves recolleremos as olas no centro de ensino, mentres se mantén o obradoiro de decoración de olas habitual para a tarde do sábado no Local social”, tal e como se informa dende a Asociación Amig@s da Pita, organizadora do Entroido.

Ademais, proseguindo coa iniciativa iniciada no 2014  de crear unha rede de “Escolas amigas da Festa da Pita”, a asociación segue buscando novas adesións na contorna do barrio. “Neste senso, propuxémoslle este ano a participación ao CPR Divino Maestro, que aceptaron o convite de seren os escolares deste colexio os encargados de decorar unha parte das olas que se van xogar o vindeiro domingo”, explican.

As olas pintadas polos rapaces deste centro escolar serán recollidas o xoves día 6 de febreiro e, como xesto de agradecemento e de lembranza, “outorgarémoslle ao centro de ensino un certificado de escola amiga“. Na recollida os membros da organización estarán acompañados pola concelleira de Educación e Cultura, Ana Garrido.

 

Cartaz completo coa programación do Entroido nas Eiroás.
Cartaz completo coa programación do Entroido nas Eiroás.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close