Esta fin de semana arranca a tempada de rugby, a terceira para o Campus Universitario Ourense RC na división de honra B que os de David Monreal disputarán a domicilio.
O Campus de Lagoas (Marcosende, Vigo) acollerá a partires das 12h. o primeiro derbi galego da tempada: Kaleido Vigo R.C.-Campus Universitario Ourense Rugby. E ante o inminente comezo de liga, o club ourensán presentaba, na tarde do 11 de setembro, o equipo que competirá en Ourense esta tempada.
No acto, celebrado no Campus das Lagoas de Ourense, presentábase especialmente aos novos xogadores neozelandeses: Sam Shearer, Reuben Spicer, George Stratton, Tuuta Simaile e Zach Clarke. Recén chegados á cidade das Burgas, trala presentación puxéronse ás ordes do adestrador, David Monreal, no que foi o seu primeiro adestramento como xogadores do Campus Universitario Ourense.
A segunda xornada de liga, a primeira en Ourense, enfrontará aos locais cos vascos do Getxo RC.
Fotos: Campus Universitario Ourense.