CulturaCulturaEspecial Cristo 2016Galerías de fotosMúsicaÚltima hora

“Priscilla”, o musical protagonizado por Christian Escuredo, en versión playmobil

A exposición poderá verse ata outubro no escaparate de Miranda Moda X, no centro do Barco

Coidando ata o mínimo detalle, tanto nos personaxes como na composición e caracterización. Isaac Eceiza, de orixe valdeorresa, recrea en seis esceas con clicks de Famobil (actualmente Playmobil) a historia do exitoso musical “Priscilla. Reina del Desierto” nunha exposición que poderá verse ata primeiros de outubro no escaparate de Miranda Moda X, no Barco. Esta mostra é claramente unha homenaxe a un dos tres protagonistas desta superprodución: o barquense Christian Escuredo, que interpreta a Adam/Felicia. Nela tamén se inclúen diversas imaxes do musical, xunto co seu libreto e cartaces.

Esta exposición coincide ademais coas Festas do Cristo no Barco, que abría como pregoeiro o propio Escuredo. E, como limiar desta mostra, o público presente no acto do pregón podía comprobar como o actor recibía na parte final do acto, como agasallo, unha recreación tamén con clicks do autobús Priscilla, obra de Hugo Eceiza, e dos seus personaxes.

A iniciativa expositiva forma parte do proxecto “Mirarte”, promovido por Miranda Moda X e que pretende achegar ao público doutro xeito á obra de diferentes creadores valdeorreses. Desta volta trátase sen dúbida dunha orixinal proposta que permitirá aos valdeorreses e visitantes reencontrarse co musical “Priscilla” e tamén achegalo a todos aqueles que aínda non tiveran a oportunidade de desfrutalo. De ser así, aínda están a tempo xa que este espectáculo está agora mesmo en plena xira por España, tras dúas tempadas consecutivas en escena no Teatro Novo Alcalá de Madrid.

Texto e fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close