ConcellosGalerías de fotosÚltima hora

A procesión das antorchas abre os cultos na honra á Virxe de Fátima en Fontei (A Rúa)

Os fieis acompañaron á imaxe polas rúas da vila á luz de cirios e candeas na noite do 5 de maio

A novena de Fátima na parroquia ruesa de Fontei comezou o xoves 4 de maio e estenderase ata o venres día 12, ás 7:45h. pola mañá (a excepción do domingo 7 de maio que será ás 9h.), e de 20h. pola tarde (a excepción do domingo que será ás 19h.) , pero un ano máis foi a procesión das antorchas a que marcou o inicio oficial dos cultos na honra á Virxe María na advocacion de Nosa Señora de Fátima.

Na noite do venres 5 de maio, numeroso fieis acompañaron á imaxe da Virxe iluminada e rodeada de fermosas calas brancas, polas principais rúas da vila, saíndo da igrexa e baixando por Telesforo Ojea para continuar polas rúas Progreso, Circunvalación, Doutor Vila e Padre Feijóo, ata rematar de novo no templo. A comitiva será seguida polos fieis que, portando candeas e cirios, acompañarán o paso con cánticos e oracións guiadas polos párrocos cos altofalantes en man. Xa de volta na igrexa celebrábase a novena e a misa, e ao finalizar o culto, antes de que os fieis abandonen o templo, repartiranse as flores que decoran o paso no que é transportada a imaxe durante a procesión.

Segundo o programa de man editado pola cofradía, o domingo 7 de maio (data na que se conmemora o Día da Nai), a misa maior comezará ás 11h. Dúas horas antes será o momento do rosario, novena e misa (9h.). Pola tarde, os cultos serán ás 19h.

Fotos: Mónica G. Bellver.
Máis información na edición en papel do Periódico O Sil.

 

Artigos relacionados

Back to top button