OurenseÚltima hora

Programa de apoio á transformación dixital das pemes, en La Molinera

Cuevas e Coren exporán ao empresariado as súas experiencias de éxito, esta tarde, no marco da presentación de Re-acciona TIC
Exterior do Grupo Cuevas en Ourense.
Exterior do Grupo Cuevas en Ourense.

O Centro de Coñecemento Municipal La Molinera, en Ourense, acollerá esta tarde a presentación do programa Re-acciona TIC, no que empresarios ourensáns coñecerán as posibilidades de aproveitar as novas tecnoloxías para a modernización, transformación dixital e industrial 4.0, así como as experiencias de éxito levadas a cabo por firmas ourensás como Grupo Cuevas e Coren, e as axudas ás que poden acceder.

O Igape e a Amtega veñen de abrir a primeira convocatoria para a solicitude de servizos do programa Re-acciona TIC e esta presentación dará a coñecer as vantaxes que se atopan en accións como a xeración de modelos e simulación industrial, a robotización, aplicacións de solucións de mobilidade, marketing dixital e doutras aplicacións.

A xornada está dirixida a persoal directivo, xerentes, responsables de compras, produción, finanzas… de empresas de calquera sector. Comezará cunha presentación ás 19 horas. Ás 19:15 horas exporase o programa Re-acciona TIC: servizos para o fomento da economía dixital nas pemes, e a partires das 19:45h. nunha mesa moderada pola Tecnópole, as dúas empresas ourensás exporán os seus casos: Grupo Cuevas sobre dixitalización e Coren sobre a implantación dun sistema automatizado de determinación e valoración da calidade mediante visión artificial.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close