ConcellosÚltima hora

Protección Civil do Bolo e de Chandrexa, entre as agrupacións ourensás que recibirán material da Xunta

Na provincia repartirase entre as agrupacións de 7 concellos  4 vehículos pick-up todoterreos e 3 remolques dotados con material para ás emerxencias cuxo investimento ascende a 189.000 euros

 

Membros de Protección Civil do Bolo durante un operativo o pasado verán./ Foto: Carlos G. Hervella.

O Diario Oficial de Galicia (DOG) vén de publicar neste 20 de novembro a resolución de cesión de equipamentos para as emerxencias aos concellos de menos de 50.000 habitantes que teñen agrupacións de voluntarios de Protección Civil (AVPC).

Na provincia de Ourense 7 concellos, entre os que figuran O Bolo e Chandrexa de Queixa, resultaron adxudicatarios dun equipamento cuxo investimento ascende a máis de 189.000 euros, cofinanciado polo Fondo Europeo de Desenvolvemento Rexional, no marco do programa operativo Feder-Galicia 2014-2020.

En concreto, na provincia ourensá repartiranse 4 vehículos pick-up todoterreos, entre os concellos de Amoeiro, O Bolo, Carballeda de Avia e Xunqueira de Ambía; e 3 remolques dotados con materiais para a atención ás emerxencias nos concellos de Allariz, Os Blancos e Chandrexa de Queixa.

A Vicepresidencia e Consellería de Presidencia, Administracións Públicas e Xustiza, a través da Dirección Xeral de Emerxencias e Interior, vén de colaborar nos últimos anos cos concellos galegos en materia de protección civil e emerxencias distribuíndo distinto material e equipamento para a súa utilización polas agrupacións e os servizos de emerxencia municipal.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close