Última horaViticultura

Proxecto para difundir a oferta enolóxica e turística galega

Turismo de Galicia vén de asinar un convenio cos representantes das asociacións das Rutas dos Viños do Ribeiro, Monterrei, Valdeorras, Ribeira Sacra e Rías Baixas

convenioenoturismo

A promoción conxunta da Comunidade Autónoma de Galicia como destino turístico, promovendo e comercializando o enoturismo en Galicia. Este é o obxectivo do convenio de colaboración que na mañá do 13 de agosto asinaban en Santiago Turismo de Galicia e as Rutas dos Viños da comunidade, nun acto que foi presidido pola conselleira do Medio Rural.

A través deste acordo Turismo de Galicia e as cinco asociacións (as do Ribeiro, Monterrei, Valdeorras, Ribeira Sacra e Rías Baixas) colaborarán mediante o desenvolvemento dun proxecto de verán enoturístico a través de experiencias nas Rutas dos Viños de Galicia. Realizaranse unha serie de actividades enogastronómicas e culturais que se desenvolverán nos establecementos adheridos ás Rutas dos Viños. Estas actividades deseñaranse en función das particularidades de cada establecemento e serán de diversa tipoloxía como por exemplo visitas teatralizadas, harmonías entre gastronomía e enoloxía, exposicións, concertos, etc.

A isto hai que engadirlle un Viñobus que percorrerá os territorios nas datas de celebración das actividades para acadar a participación do maior número de establecementos e participantes. Así mesmo, para a promoción dos eventos deseñarase un plan de comunicación que incluirá publicidade e comunicación en soportes convencionais e novas tecnoloxías.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close