ConcellosÚltima hora

Punxeiro (Viana do Bolo) ultima a súa XIII Festa da Vendima

Celebrarase a partires das sete da tarde do vindeiro sábado 12 de outubro

Participantes na anterior edición da Festa da Vendima de Punxeiro (Viana do Bolo)./ Foto: Carlos G. Hervella.

 

Dende hai xa máis dunha década Punxeiro (Viana do Bolo) celebra a nova colleita e o viño recén elaborado cunha cita que en cada edición reúne a máis de mil persoas: a Festa da Vendima. O vindeiro 12 de outubro esta cita cumprirá a súa 13ª edición mantendo un esquema moi similar ao de anos anteriores.

Como de costume, o punto de partida será a praza, xunto á igrexa. Pero antes, aqueles que non teñan entrada poderán adquirila nada máis chegar a Punxeiro, a partires das cinco da tarde a un prezo de 13 euros. Ao facelo recibirán unha cunca de barro para poder degustar os viños e un pano de cor conmemorativo desta edición. Tamén será posible mercar de forma anticipacada a entrada a un prezo de 11 euros, en Ferretería Bibei e Super Triskel (ambos na vila de Viana).

Arredor das sete da tarde a praza comezará a encherse de visitantes e de veciños. Dende as escaleiras que dan acceso ao adro da igrexa porase en marcha a festa co xa tradicional recoñecemento a varios veciños do pobo polo seu apoio á organización do evento e tamén a outros colaboradores. Despois darase paso ao momento do pregón, se ben a persoa encargada de lelo non estaba aínda confirmada ao peche desta edición.

Tras unhas breves indicacións aos participantes por parte da organización, comezará a soar a música. Cada unha das tres charangas presentes (Fuego, Achicoria e BBB) dirixirase a outras tantas adegas, que serán as primeiras en abrir as súas portas e, polo tanto, en dar inicio á ruta. Cando pechen éstas, abrirán as tres seguintes, nun traxecto marcado novamente polo son das charangas que irán indicando a ruta, con 17 adegas.

Este peregrinar festivo completarase arredor das once da noite. Nese momento está previsto que pechen as últimas tres adegas da festa. Despois, no campo da festa comezará a soar a música de dous grupos: La Misión e Arizona.

Isto suporá o broche da XIII Festa da Vendima que será organizada, unha vez máis, pola Comisión de Festas de Punxeiro coa colaboración do Centro de Animación desta mesma localidade e contando co patrocinio de diversas entidades e empresas.

Máis información na edición en papel de outubro do Periódico O Sil.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close