Publicidade
ConcellosO BarcoÚltima hora

¿Que debe facerse no caso de atopar un niño de velutina?

Dende o Concello do Barco, adherido ao plan de retirada acordado entre a Xunta e a Fegamp, lémbranse os pasos a seguir nesta situación

Niño de Vespa velutina./ Foto: A.R.

 

O Concello do Barco acollíase no ano 2019 ao plan de actuación que a Xunta de Galicia acordou coa Fegamp para a retirada dos niños da Vespa velutina en todo o territorio galego para 2020. Isto supón que dende o pasado mes xaneiro a empresa Seaga é a encargada de atender os avisos de niños de Vespa velutina relativos a este municipio que sexan alertados polos cidadáns mediante chamada ao teléfono 012.

A atención de Seaga implica, “en principio, a retirada ou neutralización dos niños activos nun prazo máximo de 5 días hábiles desde que se produce o aviso a través do teléfono 012. O dito prazo poderá ser maior de 5 días cando concorran especiais circunstancias, como é o caso de niños inalcanzables por estar a máis de 25 metros de altura ou inaccesibles por requirir de permisos de propietarios, permisos administrativos ou calquera outra actuación complementaria”, segundo a información achegada polo Concello do Barco.

Polo tanto, destacan dende o Concello do Barco, o procedemento é chamar ao 012, “sempre, e é nese teléfono onde determinan quen debe retirar o niño, dependendo da súa ubicación e da súa potencial perigosidade”.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close