Quedan 8 días: todo a punto para o transporte dende outros puntos do país á Festa das Covas de Vilamartín

Jesús López é o encargado de traer a máis de 50 persoas procedentes da Estrada (Pontevedra)

A Festa das Covas de Vilamartín non só é popular en Valdeorras, senón que fóra da comarca tamén hai xente que está desexando asistir. Por iso, é necesario que alguén tome a iniciativa do transporte. É o caso de Jesús López, o cal leva anos traendo xente da Estrada (Pontevedra). Nestes últimos anos a afluencia medrou ata o punto de ascender a máis de 50 persoas.

 

Jesús López.

 

O interese de Jesús López pola Festa das Covas vén de moi lonxe, concretamente dende hai 15 anos, cando un coveiro con residencia na Estrada o invitou a esta celebración. Dende ese momento non faltou ningún ano e “hai tres anos comecei eu a xuntar xente e quedaron encantados con esta festa”, explica.

A Festa das Covas de Vilamartín é unha festividade ineludible para Jesús López, razón pola que se decidiu a facer este transporte. “Cada vez hai máis persoas interesadas, xa que por exemplo, este ano, a metade do autobús é xente que non veu o pasado ano”, recalca. Ademais, recoñece que a xente nova é a máis interesada, pero que hai persoas de todas as idades.

 

Expedición da Estrada á pasada edición da Festa das Covas de Vilamartín.

 

Texto: Alba Prada.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies