En portadaGalerías de fotosSanidadeÚltima hora

“Queremos avanzar cara a medicina personalizada no cancro”

O oncólogo vilamartinés Rafael López presentaba no Barco a campaña de micromecenado para recaudar fondos que permitan seguir avanzando na investigación da biopsia líquida

En torno a 200 persoas acudían na tarde do 10 de marzo á presentación da campaña de micromecenado que vén de lanzar o Grupo de Oncoloxía Médica Traslacional do Instituto de Investigación Sanitaria de Santiago de Compostela (Oncomet) para recaudar fondos que permitan seguir avanzando na investigación da biopsia líquida. O encargado de presentala era o coordinador deste grupo, o oncólogo vilamartinés Rafael López.

Tras proxectar un video sobre a campaña, Rafael López, explicaba en qué consiste o traballo que se vén desenvolvendo en Oncomet dende hai máis dunha década. “Empezamos 3 e agora somos 60, fumos medrando en tempos de crise”, comentaba o doutor López. Agora mesmo o eixo da súa actividade investigadora é a biopsia líquida, un novo método de análise, máis rápido e menos invasivo que a biopsia tradicional, capaz de analizar tumores a través dunha extracción de sangue e de obter resultados en moi pouco tempo. “Con esta ferramenta poderemos avanzar de cara a medicina personalizada no cancro”, matizaba.

O tempo é importante neste proxecto, e máis tendo en conta o que o cancro significa como enfermidade na sociedade actual, xa que no pasado ano se detectaban 15.000 novos casos na comunidade. “Por iso é unha enfermidade que preocupa e moito”, engadía. De aí a idea de crear e desenvolver esta campaña. Os fondos que se consigan permitirían a “contratación do persoal necesario así como a compra do equipamento preciso para continuar con esta investigación”, sinalaba o doutor López. O seu obxectivo é reunir 500.000 euros.

Orlando Saavedra, médico e concelleiro de Servizos Sociais do Barco, era o encargado de presentar o acto e no peche destacaba que “esta é unha carreira de longa distancia, cada logro abre portas para seguir investigando”.

As doazóns poden realizar a través da plataforma www.oncomet.es ou chamando ao 981 955 344.

Fotos: Carlos G. Hervella/ A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close