Publicidade
EconomíaEconomíaÚltima horaViticultura

Quinta da Peza da D.O. Valdeorras, mellor tinto de Galicia

Gargalo Treixadura & Albariño da D.O. Monterrei foi galardoado co Premio ao Mellor Branco

Na tarde do 29 de xuño, a Consellería do Medio Rural e do Mar entregaba os premios da XXVII Cata dos Viños de Galicia nun acto celebrado en Santiago de Compostela e presidido polo presidente da Xunta, Alberto Núñez Feijóo.

De entre os 187 viños de 120 adegas das cinco denominacións de orixe galegas que se presentaron a esta edición, o premio ao Mellor Viño Tinto de Galicia 2015 foi para Quinta da Peza da D.O. Valdeorras, mentres que o de Mellor Viño Branco recaeu en Gargalo Treixadura & Albariño da D.O. Monterrei, ámbolos dous da provincia de Ourense.

Durante o acto, tamén se entregaron os premios aos mellores viños por denominación de orixe. Os gañadores do Acio de Ouro foron Hacienda Ucediños Godello (D.O. Valdeorras), Alter Treixadura e Godello (D.O. Ribeiro), Don Bernardino (D.O. Ribeira Sacra), Quinta das Tapias (D.O. Monterrei) e Valtea (D.O. Rias Baixas).

Os Acio de Prata recaeron en Godeval Godello (D.O. Valdeorras), Divino Rei (D.O. Ribeiro), Don Ramón (D.O. Ribeira Sacra), Terras do Cigarrón (D.O. Monterrei) e Señoría de Sobral (D.O. Rias Baixas). No caso dos Acio de Bronce, foron premiados A Coroa Godello (D.O. Valdeorras), Colección 68 Treixadura-Viña Costeira (D.O. Ribeiro), Adega Vella (D.O. Ribeira Sacra), Quinta das Tapias Colección Godello (D.O. Monterrei) e Señorío de Rubiós (D.O. Rías Baixas).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close