Quintía presenta en Verín un ensaio sobre o uso simbólico do seixo en Galicia

Este libro aborda esta pedra dende o punto de vista arqueolóxico e etnográfico

A Biblioteca Municipal do Concello de Verín acollía na tarde do 7 de agosto a presentación da obra “Uso simbólico do cuarzo na cultura Galega. Aspectos etnográficos e arqueolóxicos”, do que é autor o antropólogo Rafael Quintía Pereira.

A través das páxinas deste libro (editado pola SAGA), Quintía (que na presentación estivo acompañado polo investigador Miguel Losada) parte do seixo como mineral e tamén como amuleto. De seguido, traza a relación do home con esta pedra ao longo dos séculos, tomando como referencia o rexistro arqueolóxico e comenzando xa no paleolítico galego e no contexto megalítico para logo pasar á Idade do Bronce, á Idade do Ferro, e completar esta incursión noutros contextos arqueolóxicos.

Este ensaio abrangue tamén a análise do uso do seixo no marco da etnografía galega: aplicacións con carácter protector, curativo ou favorecedor, como elemento construtivo no rural, como fito demarcatorio… E finalmente afóndase no carácter simbólico desta pedra.

Fotos cedidas pola Biblioteca Municipal de Verín e por José Rodríguez Cruz.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies