En portadaÚltima hora

Quiroga, baixo as leis do Imperio romano

Esta localidade lucense celebra neste sábado 17 de agosto a súa VI Festa castrexo-romana Qui-Roma, na que sobresae o seu desfile “Arde Loucos”, seguido da loita de gladiadores

As lexións romanas volven desfilar por Quiroga. Dous mil anos despois de que o Imperio explotase as súa riqueza aurífera, esta vila recrea neste sábado 17 de agosto o seu pasado imperial coa VI Festa catrexo-roma Qui-Roma. O seu programa, cun variado abano de propostas, iniciábase esta mañá coa terceira ruta de cabalos, seguida de exposición de bois (da gandeiría de Mario Nogueira) e exhibición de cetrería. Tamén se impartían obradoiros infantís.

Tampouco faltaba a música tradicional, que animaba o mercado qui-romano, situado nesta ocasión nas proximidades do auditorio da vila. Numerosas persoas, vestidas tanto de castrexos como de romanos, percorrían os seus postos de artesanía, gastronomía, marmeladas e tamén licores artesáns, neste caso valdeorreses.

A partir das sete da tarde haberá unha demostración de cetrería e xa ás 20 horas dará comezo o desfile “Arde Loucos”, que dará paso á xa tradicional loita de gladiadores que, a diferenza doutras edicións, neste ano será na praza do Auditorio. E rematará a festa cunha gran paella e unha discoteca móbil.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close