EconomíaEconomíaÚltima hora

Quiroga conta definitivamente con PXOM

A conselleira de Vivienda, Ángeles Vázquez, e o alcalde de Quiroga, Julio Álvarez Núñez, veñen de asinar a aprobación do plan de ordenación deste concello

Despois de 13 anos de tramitación, Quiroga conta definitivamente cun Plan Xeral de Ordenación Municipal (PXOM). Esta mañá a conselleira de Medio Ambiente, Territorio e Vivienda, Ángeles Vázquez, e o alcalde deste concello lucense, Julio Álvarez Núñez, asinaban a aprobación do citado documento. Este novo planeamento pon fin ás Normas subsidiarias municipais do ano 1995; e dá paso a un plan que, en palabras do alcalde de Quiroga, está “na senda do orden urbanístico, económico e sobre todo ambiental”.

Para a conselleira de Medio Ambiente este PXOM representa “un novo marco legal para dar resposta á situación do municipio e outorgándolle seguridade xurídica, coherencia coa realidade territorial e un desenvolvemento sostible do territorio e sobre todo aos máis de 3.200 veciños dun concello que está chamado a crecer”.

Con este Plan Xeral de Ordenación Municipal o solo urbano onde se poderá construír directamente auméntase en 368.500 metros cadrados. Amplíase a superficie de solo urbano nas zonas da Campaza e o Regueiral, na recta do Toucedo, na zona do Poboado e nas zonas San Xulián – As Estradas e Carballeira – Hospital. Ademais desaparecen na vila de Quiroga ás Unidades de Xestión (UGAS) que delimitaban a construción.

Para a elaboración deste plan, que comezou no 2006, tivéronse en conta o 90% das alegacións practicadas ou emitidos polos interesados durante o período de información pública, 272 en total. Sempre que este plan tivo que levarse a sesión plenaria foi aprobado por unanimidade por todos os grupos políticos con representación municipal. A derradeira aprobación foi na sesión plenaria celebrada no pasado mes de decembro.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close