Publicidade
ConcellosQuirogaÚltima hora

Quiroga destinará 241.248 euros a mellorar infraestruturas básicas do municipio

Así se vén de aprobar na xunta de goberno local deste concello

Exterior da Casa do Concello de Quiroga.

 

Dende o Concello de Quiroga destinaranse 241.248 euros a realizar actuacións de conservación de infraestruturas básicas do municipio. Así o vén de aprobar a súa xunta de goberno municipal. A maior parte deste orzamento corresponde ao Plan Único da Deputación Provincial de Lugo (193.156 euros) aínda que o Concello tamén disporá de fondos propios.

Ese investimento irá dirixido a realizar melloras hidráulicas nos núcleos de Quiroga, Paradaseca, Bendilló, Campos de Vila, Vilañán e Vieiros; rexeneración e asfaltado dos accesos de Pacios á Ermida, a Outeiro, das Farrapas a Bendilló, a Bendilló e a Santa Cubicia; a reparación e o formigonado de camiños en rúas en Quiroga, Os Novaes, Bendollo, Carballo, San Cristobo, Vilarbacú e Aldea; así como á primeira fase da ampliación do museo etnográfico serán os destinos deste orzamento que terá que ser realizado ao longo deste 2020, tal e como informa o Concello de Quiroga.

Tamén se realizará o acondicionamento e mellora da práctica totalidade da rede viaria local. Estes traballos consistirán no roce en ambas as dúas marxes dos accesos e naqueles tramos máis deteriorados levaranse a cabo traballos de varrido de firme ou de bacheo.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close