O vicepresidente da Xunta, Alfonso Rueda, fixo entrega na mañá deste 22 de xaneiro de material e equipamento de emerxencias a Agrupacións de Voluntarios de Protección Civil e GES de 5 concellos da provincia de Lugo, que dá continuidade ao camiño iniciado nos últimos anos de dotar de máis material e equipamento de emerxencias ao persoal de emerxencias dos concellos galegos.
Así os municipios de Quiroga, Cervantes, Negueira de Muñiz, Meira e Becerreá recibían material, que desta volta consiste en 2 pick-ups, un remolque, 2 furgóns e 1 pértiga, que suman un total de 195.000 de investimento por parte do Goberno galego.
Alfonso Rueda, acompañado do xerente da Axega, Marcos Araújo e do delegado territorial da Xunta en Lugo, José Manuel Balseiro, indicou que esta entrega de hoxe se suma “ao histórico investimento que se levou a cabo nos últimos anos, e que acada xa os 10,5 millóns de euros en equipamento de emerxencias cedido aos concellos galegos”.
