Quiroga renovará o seu campo de fútbol

O Concello vén de chegar a un acordo coa Secretaría Xeral para o Deporte para acometer un proxecto de mellora do campo de San Martiño

O alcalde de Quiroga e o concelleiro de Deportes, co secretario xeral para o Deporte.

O alcalde de Quiroga, Julio Álvarez, e o concelleiro de deportes, Andrés Novoa, reuníanse na mañá do 16 de abril en Santiago co secretario xeral para o Deporte, José Ramón Lete Lasa, para plantexarlle a renovación do campo de fútbol Quiroga F.C., equipo que vén de ascender a segunda autonómica.

Na xuntanza chegouse a un acordo para dar un primeiro paso nunha importante remodelación do campo San Martiño que se levaría a cabo o vindeiro ano, segundo se informa dende o Concello. “Neste proxecto de mellora incluiríase a remodelación da herba do campo de xogo e cubrir con céspede artificial a parte de terra situada entre os vestiarios para ser utilizada como zona de adestramento. Tamén se proxecta levar a cabo obra de mellora nos actuais vestiarios, os últimos construídos no 2005”, tal e como se indica dende o Concello de Quiroga.

Aínda que con labores de mantemento habitualmente, o campo do San Martiño non acolleu grandes remodelacións dende hai unha década cando se acondicionaron as gradas e se asfaltou o aparcamento. Polo que agora dende o Concello de Quiroga quérese renovar a zona de xogo, xa que o céspede non se levantou dende finais dos anos 90.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies