Publicidade
ConcellosEntroido 2020Última hora

Quiroga vive o Entroido cun concurrido desfile de comparsas

Máis de duascenteas persoas percorrían a rúa Real na tarde deste domingo 23 de febreiro

 

Máis de 200 persoas, repartidas en dez comparsas e chegadas de toda a comarca, enchían na tarde deste domingo 23 de febreiro a rúa Real de cor e fantasía, no Desfile de Entroido 2020 de Quiroga.

As boas temperaturas acompañaron á comitiva así como ao numeroso público que agardaba o seu paso, moitos disfrazados, entre eles o alcalde de Quiroga Julio Álvarez, a Senadora quiroguesa Rosa Arza e algúns concelleiros.

Coma sempre, as comparsas tentaron acaparar as miradas do xurado, que valorou especialmente a orixinalidade dos disfraces, a coreografía, a escenografía, a elaboración do vestiario e a elaboración da carroza.

 

Momento no que a comparsa gañadora recibe o premio.

 

Así, unha vez rematado o desfile, diante do Concello e tras a votación do xurado, facíase entrega dos premios ás comparsas gañadoras. O primeiro, dotado de 600 euros era para a comparsa Campo da Feira; o segundo, de 300 euros era para a comparsa os Quirogüinos do Xeoparque; e o terceiro, de 200 euros levouno a comparsa Villarecicla. O resto dos grupos participantes recibía 100€. No caso de disfraces individuais estableceuse un único premio ao mellor disfrace de 60 €.

A xornada de Entroido remataba cun baile de disfraces amenizado pola charanga BB+ e o convite a chocolate con churros para todas as persoas que se achegaban a gozar da festa.

 

Unha das comparsas durante o desfile.

 

Fotos cedidas

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close