Cunha lembranza aos represaliados polo franquismo e cunha mensaxe a favor da restauración da memoria histórica comezaba a reunión que Rafael Rodríguez Villarino, candidato socialista á secretaría xeral do partido na provincia de Ourense, mantiña con militantes valdeorreses na sede do PSdeG-PSOE do Barco na tarde do 26 de decembro.
Novamente Rafael Rodríguez plantexaba a importancia de “recuperar para a cidadanía a Deputación provincial e de darlle un financiamento digno aos concellos, que non distinga entre cores políticas”. Para iso explicaba a “alternativa programática” pola que aposta, no caso de acceder á secretaría provincial, e como habería que desenvolvela no ano e medio que resta de cara ás vindeiras eleccións municipais.
Fotos: Carlos G. Hervella.