Os tres primeiros nomes da candidatura coa que o BNG de Xinzo de Limia concurrirá ás eleccións municipais de 2019 dábanse a coñecer o 19 de outubro. Estará encabezada por Ramiro Rodríguez, actual concelleiro e deputado provincial, o número dous será para Alba María Feixóo e o terceiro posto estará ocupado por Gabriel Rodríguez.
Ademais dende a formación nacionalista indícase que o resto da candidatura irá completándose “nos vindeiros meses, por tramos”, e será unha “lista cremalleira que integrará a figuras chave dos últimos anos, combinada cunha aposta clara pola xuventude e a renovación. A nosa intención é presentarlle aos veciños e veciñas de Xinzo unha equipa cohesionada, xunto cun programa ambicioso e realizábel que recolla as reivindicacións históricas que levamos reclamando dende hai décadas, actualizadas e postas ao día para reflectir a realidade actual do noso concello e dar resposta ás necesidades e demandas da veciñanza”.
O BNG de Xinzo cualifica de “transcendentais” estas eleccións “para o futuro inmediato do noso concello”. E sinala que o “modelo caduco e esgotado que representa o PP no seu conxunto amosa, no caso de Xinzo”.
