CulturaCulturaGalerías de fotosÚltima hora

A Rapa das Bestas dende a mirada do barquense Sindo Novoa

Este fotógrafo vén de inaugurar no Centro Cívico Cultural de Arteixo (A Coruña) unha mostra sobre esta tradición galega

Mergullarse na intensa e anterga tradición da rapa das bestas a través da imaxe. É a proposta que fai o fotógrafo barquense Sindo Novoa a través da exposición “Un Día na Rapa das Bestas (Do monte ó curro)”, que se inauguraba na tarde do 19 de febreiro no Centro Cívico Cultural de Arteixo (A Coruña). Poderá visitarse ata o vindeiro 16 de marzo.

“A serie consta de 20 fotos onde podemos atopar os cabalos salvaxes cando están ceibos no monte, instantes durante a baixada cara Sabucedo e tamén momentos dentro do curro, onde se produce a rapa e desparasitación”, explica Novoa. A imaxe que ilustra o cartel da mostra “formou parte dunha galería de 30 das mellores fotos do Concurso ≠MiMejorFoto en twitter (entre 1.800 fotos que participaban) e que publicaron no Blog Punto de Enfoque no Periódico El País”, engade o fotógrafo.

Esta exposición chega a Arteixo despois de estar entre maio e xullo do pasado ano no Concello da Estrada, onde se retiraba tras a finalización da Rapa 2017, festa declarada de interese turístico internacional. A intención de Novoa é que siga movéndose nos vindeiros meses por outras cidades galegas e tamén lle gustaría que puidera verse no Barco, o seu concello natal.

Fotos cedidas por Sindo Novoa.

 

Cartel da exposición.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close