O II Concurso de Fotografía da Asociación Ruta do Viño de Valdeorras “Ramón García” vén de facer públicos os nomes dos seus ganadores, “tras a deliberación do xurado que tivo lugar o luns día 5 de outubro”. Así a foto ganadora desta edición (1º premio Godello) é a presentada por Raquel Díaz Jiménez co título “Descanso e Viño”.
Ademais co segundo premio “Mencía” facíase Arsenio Blanco Gayoso co foto “Un grolo no camiño” e o terceiro premio “Garnacha” lográbao Adolfo Fernández Docasar coa instantánea “Camiño ou cubeto”. Nesta edición o concurso tiña como temática “O viño e o Camiño de Inverno”, debendo aparecer nas fotografías presentadas imaxes referidas á mesma.
Como na primeira edición deste concurso, a Ruta do Viño de Valdeorras realizará unha exposición, pero neste caso será no Centro Cultural Avenida na Rúa. “A súa data está pendente de concretar dadas as circunstacias actuais”, explican dende a asociación.