En plena pandemia de Covid-19, a Deputación de Ourense, anuncia que reinicia as obras paralizadas e que dá comezo a novos traballos no marco do Plan Provincial de Obras e Servizos e do Plan da Rede Viaria Provincial, de infraestruturas e servizios para os concellos, aprobado no pleno da corporación provincial do pasado mes de xaneiro, cun presuposto de 6.573.260 euros, dos cales a Deiputación investirá 5.938.500 euros e os concellos 634.760 euros- e 2.831.985 euros para o Plan Complementario de Obras e 3.619.879 para o complementario de rede viaria provincial.
O volumen de obras en execución e previstas ascende a un total de 211, correspondéndolle ao Plan de Obras 114 (99 en obras e servizos e 15 na rede viaria provincia), mentres que no Plan Complementario o total de obras son 97 (64 en obras e 33 na rede viaria). Nestes momentos están en tramitación un total de 149 obras, mentras que outras 23 obras por procedementos abertos encóntranse paralizadas como consecuencia do estado de alarma. Nestes momentos, para o exercicio 2020, están pendentes de licitar 8 millóns de euros e están en execución 33 obras.
Por otra parte, e dentro da estratexia da Deputación de implementar medidas na loita contra a pandemia, na xornada do martes 14 de abril reuníase o comité de seguimento do Covid-19. Nese sentido, actualizouse o protocolo xeral de medidas de prevención no sector público provincial, co obxectivo de “ampliar a lista de servizos esenciais de prestación presencial por parte da Deputación incluíndo entre outros: limpeza da rede de Viana do Bolo e Carballeda de Valdeorras; servizo de teleasistencia domiciliaria; abastecemento e saneamento no Barco de Valdeorras; así como servizo de depuración de augas residuais na comarca de Valdeorras.
