As Bibliotecas Públicas Municipais (BPM) de Ourense reactivan a partires do vindeiro luns 15 de xuño, o servizo de préstamo e devolución. O horario de atención ao público será de 9:00 a 14:00 h.
Na BPM de San Francisco reactívase o servizo sen cita previa, mentres que nas da Carballeira e da Ponte, será precisa a cita, no teléfono 988 695 751. As devolucións faranse cando se recollan os libros, se se teñen reservados, na propia biblioteca ou nun caixón habilitado para devolucións na entrada do edificio.