Publicidade
CulturaCulturaEducaciónEn portadaGalerías de fotosÚltima hora

Reanúdase a actividade lectiva presencial nos institutos de Valdeorras

Alumnos de 2º de Bacharelato e de ciclos Medio e Superior de FP regresan entre hoxe e mañá a clase, de forma voluntaria

 

Hai unha semana e media a Consellería de Educación, Universidade e Formación Profesional, anunciaba que o alumnado galego de 2º curso de Bacharelato e de 2º curso de ciclos Medio e Superior de FP “podería volver ás aulas de xeito voluntario a partir do vindeiro 25 de maio”.

E así foi, polo menos en dous dos tres institutos da comarca de Valdeorras: o IES Cosme López da Rúa e o IES Lauro Olmo do Barco. Neste último, regresaba a maioría do alumnado e tal como explica o vicedirector Eladio Santos, na mañá deste 25 de maio, algúns realizaron exames de recuperación mentres o resto asistía a clase, coa mascarilla, e as mesas separadas coa distancia establecidad por Sanidade. “Continurán co curso ata o 8 de xuño e despois asistirán a clases de reforzo para preparar as probas de selectividade”, adianta Santos. Unhas probas que se celebrarán a mediados do mes de xullo no instituto da Rúa.

Aínda que algúns centros optaron por comezar mañá a atención ao alumnado por cuestións de organización, como é o caso do IES Martaguisela do Barco, todos permaneceron abertos hoxe. E con respecto á asistencia, dos 1.068 alumnos que cursan 2º de Bacharelato na provincia de Ourense, asistiron a clase o 50%, é dicir 536. No referido ao alumnado de FP, a asistencia presencial foi puntual por diferentes motivos: hai alumnos de FP non presencial; moitos están desenvolvendo a Formación en Centros de Traballo (FCT); e outros están preparando o proxecto. En calquera caso, en toda a provincia asistían un total de 58.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close