Deportes

Recepción da Selección Española de fútbol sala en Ourense

As entradas para o amistoso contra Exipto xa están á venda por cinco euros
Recepción á Selección Española de fútbol sala.
Recepción á Selección Española de fútbol sala.

O vicepresidente da Deputación de Ourense, Rosendo Fernández, actuou esta mañá como anfitrión da cidade recibindo no Pazo Provincial aos xogadores e ao corpo técnico da Selección Española de fútbol sala. O equipo prolongará a súa estancia até o vindeiro 29 con motivo do partido internacional que disputará contra a Selección de Exipto.

O evento deportivo será o día 28 ás 20:30h no Pazo dos Deportes Paco Paz. Trátase do primeiro encontro de preparación para o Mundial de Colombia que se celebrará no mes de setembro.

Fernández agradeceu a súa presenza en Ourense, cidade que “ten unha gran tradición de fútbol sala”, sinalou e lembrou a importancia deste encontro por ser o primeiro de preparación para o mundial. “Non se gaña xogando os partidos da competición, senón nas semanas previas de preparación”, afirmou.

No acto tamén estiveron presentes o vicepresidente segundo da Deputación, Jorge Pumar, o deputado provincial de Deportes, Juan Anta, o de Cooperación, Pablo Pérez, o asesor de deportes da Deputación, Bernardino González, o responsable da área de fútbol sala da Federación Galega de Fútbol, Pablo Prieto e o delegado da Federación Galega de Fútbol en Ourense, Raúl Rois.

As entradas están dende hoxe á venda no Centro Cultural Marcos Valcárcel e no Pazo dos Deportes Paco Paz. Terán un custo de cinco euros para maiores de 16 anos, dous euros para os rapaces de entre seis e 16 anos e entrada gratuíta para os menores de seis.

Os xogadores da selección adicarán a xornada de mañá a asinar autógrafos aos afeccionados, nun encontro que terá lugar no Centro Cultural Marcos Valcárcel, entre as 13:30 e as 14:15 horas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close