Recital de ópera e zarzuela na Rúa da man de Montserrat Mart í Caballé e de Luis Santana

Na súa actuación, que reunía a unhas 350 persoas no Centro Cultural Avenida na tarde do 4 de maio, estaban acompañados ao piano por Antonio López

Coa interpretación de “L’amore mio” de Donizetti sobre o escenario do Centro Cultural Avenida iniciábase ás oito da tarde do 4 de maio o programa do recital de Ópera e Zarzuela que ofrecían a soprano Montserrat Mart í Caballé e o barítono Luis Santana, acompañados ao piano por Antonio López Serrano.

Unhas 350 persoas asistían a esta actuación na que a soprano e o barítono ían intercalando pezas  e na que remataban a primeira parte (centrada na ópera e con pezas de compositores como Rossini, Mozart ou Puccini) interpretando conxuntamente dúas pezas da Traviata de Verdi.

Arredor das nove menos cuarto tiña lugar unha pequena pausa de dez minutos, e o espectáculo retomábase con “Del caballo máis sutil” coa voz de Mart í Caballé. Despois, dábase paso a un dos momentos máis emotivos do recital no que Luis Santana confesáballe ao público a súa “ousadía” de querer cantar tres temas en galego. O primeiro deles era “Non te quero por bonita” de Marcial del Adalid, “un compositor pouco coñecido, pero ao que eu considero o Schubert galego”, explicaba. Despois viña “Dúas cancións Xacobeas” (Antón García Abril) e a coñecida “Negra sombra” (Juan Montes), con versos de Rosalía de Castro.

A continuación a soprano e o barítono volvían unir as súas voces en “Habanera” de Manuel Penella e logo ían intercalándose ata completar o programa do recital con “En mi tierra extremeña”.

Fotos: Carlos G. Hervella

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies