Co programa especial “Recoñéceas na Pobra de Trives”, dedicado ás científicas trivesas que figuran no mural realizado por Lidia Cao na rúa San Martín, o Concello de Trives e a Asociación La Ciencia es Femenino conmemorán o 8 de marzo, Día Internacional da Muller.
Neste programa tamén se contará coa participación de Patricia Domínguez Barja, primeira alcaldesa de Trives; da concelleira de Cultura e Igualdade, Cristina Paz; do prestixioso neumólogo e sobrino-neto de Leonor Bocossi, Julio Ancoechea; da farmacéutica Fernanda Paz, que rememorará a figura de Adelaida Pérez, a trivesa que foi a primeira boticaria colexiada de Ourense; de María Lamelas, directora do CEIP Manuel Bermúdez Couso; de Francisco García (Farruco), director do IES Xermán Ancochea, entre outros ilustres veciños do concello.
Ademais tamén se entrevistará ás alumnas do módulo de electricidade do centro e a veciños da localidade. O programa “Recoñeceas na Pobra de Trives” de “La Ciencia es Femenino” emitirase en Cuac FM o día 14 de marzo no dial 103,4.