No mes de abril actuou en Cholet (Francia), en xullo en Mazamet (Francia) e a finais de agosto será o grupo principal do 22 Dudacky Festival de Strakonice (República Checa) actuando asemade en Suíza. A banda de gaitas ourensá Redegaita finaliza así a súa xira internacional.
Entre os días 25 e 28 de agosto actuará no marco da programación do Dudacky Festival con dous desfiles e tres concretos. Nesta ocasión, tal como explican dende a banda, o grupo está formado por 40 músicos con idades comprendidas entre os 16 e os 50 anos pertencentes ás escolas do Concello de Verea de Ourense e As Portelas de Lubián (Zamora), ámabalas dúas dirixidas por Jhonathan Ferreira. O festival está organizado polo CIOFF (Comité internacional de Folclore) e reúne bandas de gaitas e gaiteros solistas de todo o mundo. “É bienal e nacía hai 44 anos da man de Josef Rezny, e calculan que este ano superarán os 20.000 visitantes”, puntualiza Jhonathan Ferreira.
Na viaxe colaboran os Concellos de Verea e Lubián, así como a Deputación de Ourense e a Xunta de Galicia, e, xa de regreso, o luns 29 de agosto teñen programado un concerto no Centro galego Ssuízo “As Xeitosiñas” de Zurich.
Fotos cedidas.