Publicidade
En portadaÚltima hora

Reducións no IRPF para gandeiros e agricultores afectados pola seca e as xeadas

Así se recolle nunha orde do Ministerio de Facenda que vén de publicarse no BOE a primeiros de abril

 

Explotación gandeira en Viana do Bolo no pasado verán./ Foto: Zona Cero da Seca.

O Ministerio de Facenda e Función Pública vén de publicar no BOE do 2 de abril unha orde pola que se reducen, “para o período impositivo 2017, os Índices de rendemento neto aplicables no método de estimación obxectiva do Imposto sobre a Renda das Persoas Físicas (IRPF) para as actividades agrícolas e gandeiras afectadas por diversas circunstancias excepcionais”.

Circuntancias como as xeadas, a seca ou os incendios que afectaban á provincia de Ourense, e de xeito especial á montaña do oriente ourensán, no pasado ano. Ademais a orde inclúe un anexo no que se detallan as zonas xeográficas concretas ás que se refire esa redución.

No que respecta á provincia de Ourense a redución establecida no Índice de Rendemento neto será de 0,13 na actividade de forraxes, de 0,18 na castaña, de 0,22 na unva para viño con Denominación de Orixe e de 0,18 na uva para viño sen D.O. nos termos municipais de: Viana do Bolo, A Gudiña, Manzaneda, A Mezquita, Monterrei, A Pobra de Trives, Riós, A Veiga, Verín, Vilariño de Conso, Vilardevós, Castrelo do Val e Castro Caldelas.

Esa mesma redución figura para a actividade de castaña (0,18) e uva para viño con D.O. (0,22) e sen D.O. (0,18) nos termos municipais de Arnoia, O Barco de Valdeorras, Beade, Boborás, O Bolo, Carballeda de Avia, Carballeda de Valdeorras, O Carballiño, Castrelo de Miño, Cenlle, Larouco, Leiro, Melón, Oímbra, Parada de Sil, Petín, Ribadavia, A Rúa, Rubiá, San Amaro, A Teixeira e Vilamartín de Valdeorras.

Finalmente, tamén se inclúe esta rebaixa na actividade de forraxes (0,13) nos municipios de Chandrexa de Queixa, Cualedro, Laza, Montederramo e San Xoán de Río.

Ademais establécense outra serie de reducións no Índice de Rendemento neto con carácter nacional.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close