Regresa o fútbol a Calabagueiros co derbi Barco-Arenteiro

O partido comezará ás 17h. do domingo 13 de xaneiro

Imaxe do derbi en Calabagueiros na anterior campaña. /Foto: Mónica G. Bellver.

Este domingo 13 de xaneiro, o fútbol regresa á competición despois do parón navideño e en Calabagueiros está xa todo preparado para o derbi provincial entre o C.D. Barco e o C.D. Arenteiro.

Non é a primeira vez que os dous equipos ourensáns se enfrontan na terceira división, pero si será a primeira desta tempada e farano con importantes cambios en ambos conxuntos con respecto ao ano pasado. O máis destacado son os adestradores. Manolo Peréz collía as rendas do Barco xa antes de empezar a pretempada, no verán do 2018, collendo o testigo de Javier Rey. E tamén no equipo do Carballiño houbo renovación de técnico, aínda que no seu caso foi avanzada xa a tempada cando Manel Vázquez deixaba o cargo, ocupando o seu posto Rogelio Gómez “Gelucho”. Con respecto ao plantel, varios ex xogadores do Centro de Deportes Barco compiten actualmente no equipo verdibranco. É o caso de Adil, Cassio, Carlos de Dios ou Mitogo.

O partido comezará ás 17h. e mentres que o Barco chega dende unha privilexiada terceira posición con 37 puntos, o Arenteiro faino dende a 13ª con 21 puntos.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies