Concellos

Rematan os traballos de rehabilitación da pista de recreo do CEIP Manuel Bermúdez Couso da Pobra de Trives

As obras consistiron na colocación de cubrición e executáronse aproveitando o período non lectivo dos meses de verán

Os traballos de colocación de cubrición na pista de recreo do CEIP Manuel Bermúdez Couso da Pobra de Trives xa están rematadas. A Consellería de Educación, Universidade e Formación Profesional, executou a obra, aproveitando o período non lectivo dos meses de verán. Así, a delegada territorial da Xunta en Ourense, Marisol Díaz Mouteira, acompañada da xefa territorial de Educación, Luz Fernández Quintas, desprazáronse hoxe, día 23 de xullo, ata este centro educativo para comprobar o remate dos traballos.

 

Durante a visita de Marisol Díaz e Luz Fernández ás instalacións.

 

A actuación responde á necesidade de cubrición da pista debido á altitude deste concello, onde as temperaturas son extremas tanto polo calor do verán como polo frío do inverno. Esta climatoloxía afecta especialmente ás actividades de Educación Física, deportivas e lúdicas dos alumnos, polo que a cubrición dun espazo destinado a estes usos resulta necesario para poder desenvolver as citadas actividades con regularidade no exterior.

Estes traballos desenvolvéronse cun custo cifrado en 146.986 euros. A cuberta que se instalou xera un espazo protexido da choiva como patio do centro escolar e para a realización de actividades deportivas. Resolveuse con estrutura metálica, piares, vigas e correas, e cubrición de panel sandwich metálico. Así, Díaz Mouteira explicou que esta obra se  executou ao abeiro do plan anual de obras de rehabilitación, ampliación e mellora (RAM).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close