Galerías de fotosPolíticaÚltima hora

A representación ourensá no 39 Congreso Federal do PSOE

Estase a desenvolver nesta fin de semana en Madrid e concluirá o domingo coa intervención de Pedro Sánchez

Máis de 3.000 persoas (entre delegados, convidados, cargos orgánicos, medios, etc.) están a participar no 39 Congreso Federal do PSOE que, baixo o lema “Somos a esquerda”, se desenvolverá en Madrid ata o vindeiro domingo 18 de xuño.

Dese total, 1.035 son delegados que representan a todas as federacións do partido en España, máis Europa e América. Entre eles están nove delegados da provincia de Ourense, que resultaban elixidos o pasado 27 de maio. Trátase de Rocío de Frutos Madrazo, Ángel Barba Alonso, a valdeorresa Ofelia Puente Carracedo, Juan Carlos Francisco Rivera, Soraya Martín Barreiro, Rafael Rodríguez Villarino, Elvira Lama Fernández, Francisco Fumega Piñeiro e María Jesús Boo Montes.

Nesta ocasión o congreso terá dous escenarios distintos. Así a xornada do sábado estase desenvolvendo no Pazo Municipal de Congresos (Campo das Nacións), mentre que a do domingo (agás a votación dos órganos federais) farase no Pavillón 3 de IFEMA (Avda Partenón, 5 – Madrid). Alí será a proclamación da Comisión Executiva elixida e a clausura do 39 Congreso Federal a cargo do secretario xeral, Pedro Sánchez, nun macro acto aberto á militancia, no que se espera reunir a unhas 8.000 persoas.

Artigos relacionados

Back to top button