SanidadeÚltima hora

Representantes autonómicos e municipais visitan o novo edificio do CHUO

Dende o Sergas esperan que en outubro esta unidade acade a súa plena ocupación
Os representantes políticos estiveron acompañados polos responsables clínicos.

Os membros da Comisión 5ª de Sanidade, Política Social e Emprego do Parlamento de Galicia, xunto con representantes de todos os grupos municipais da cidade, visitaron hoxe, 21 de setembro, o novo edificio de hospitalización do Complexo Hospitalario Universitario de Ourense, para coñecer as súas instalacións “e recibir información de primeira man, por parte dos técnicos e responsables clínicos, dos proxectos de innovación que se desenvolverán nel”, explicaron dende o Sergas.

Deputados e concelleiros dos grupos Popular, Socialista, En Marea, BNG e Democracia Ourensana, foron recibidos polo xerente do Sergas, Antonio Fernández Campa, e polo xerente da EOXI ourensá, Dionisio López Bellido, que os acompañaron nun percorrido polas instalacións e lles explicaron “os máis de 24 primeiros proxectos de I+D+I previstos, que teñen como nexo de unión mellorar a atención sanitaria dos pacientes, co foco posto na modernización dos procesos asistenciais relacionados con envellecemento e cronicidade”.

Segundo destacou o responsable da Xerencia de Xestión Integrada do Sergas en Ourense, Dionisio López Bellido, o obxectivo é centrar a asistencia na poboación real de Ourense, “procurando e testando novas fórmulas asistenciais, adaptadas ao envellecemento, protagonista do día a día asistencial, na procura non só de curar, senón de manter a saúde e promover e protexer a autonomía e capacidade funcional da maioría dos pacientes da provincia”.

O propio xerente destacou que xa se está a avanzar na licitación da nova cociña central “que abastecerá a todo o complexo”, dixo, e que incluirá un novo equipo de liña quente como a actual, complementado con novos equipos que permitirán adoptar o modelo de liña fría para determinadas preparacións “mellorando así a trazabilidade e programación, sempre con persoal propio”, dixo Bellido. Este novo edificio recibirá, segundo o previsto, os primeiros pacientes a finais de setembro “unha vez xa concluídos os traballos de instalación do novo equipamento, probas e conexión dos equipos informáticos”, aclaran dende o Sergas, que esperan que acade a súa plena ocupación en outubro.

As opinións de Noa Presas (BNG) e Noela Blanco (PSdeG-PSOE) tras a visita, nesta ligazón:

BNG e PSdeG critican que a Xunta non abrise o novo Hospital de Ourense en setemrbro “tal e como prometeron”

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close